ليه يا وطن… – شعر: هشام فتحي

img

النار بتحرق كل حتة

ف جتتي

ماسك رغيف العيش

وبغمس لقمتي

يا قطر جاب الموت

معايا ف تربتي

يا قطر جاي

السكة دي مش سكتي

ليه يا وطن

تبخل عليا بدنيتي

ليه يا وطن

كل اللي خانوا تحبهم

وتجور عليا ف غربتي

مكتوب لي آخر تذكرة

ادفع تمنها ضحكتي

………

………

بيجود علينا الموت

وبيوزع تذاكر

غنيت بعلو الصوت

بلادي… ولسه فاكر

أرخص ما فينا النور

يموت في الليل مهاجر

أجمل ما فينا نهار

ويجي الليل يغادر

…..

الشاعر الكبير

هشام فتحي

Please follow and like us:

Author : البوابة الرسمية للجماعة الإسلامية

البوابة الرسمية للجماعة الإسلامية

RELATED POSTS

قم بالتعليق