بقلم: فضيلة الشيخ علي عبد الظاهر
لا اعرف كاتب هذه الكلمات ولكنه صديق ابني ياسر رحمه الله
كان ذلك بداية يوم ٦ اكتوبر عام ٢٠١٤ وقد دارت مكالمة تليفونية بين صديقه وبين ياسر
ولكني نسخت ماكتبه
ولقد كتب قائلا :
انا :. ياسر حبيبى انت فين
ياسر :. انا جاى اهوه فى الطريق
انا :.طب يلا يا عم خلص كل دة انت نازل من البيت متاخر ؟
ياسر :. يا عم انا راكب العربيه دقيقة وهبقى قدامك
انا :. طب خلاص ماشى وفعلا دقيقة او اتنين وياسر جه اول ماشوفته خدنا بعض بالحضن كاننا ماشوفناش بعض من سنين مع اننا كل يوم انا وهو مع بعض والكلام دة كان يوم الاحد ٦ اكتوبر وكنا يوم الجمعة اللى قبله فى مسيرة برضه والسبت نزلنا الجامعة والاحد ٦ اكتوبر كان اسوأ يوم وكنا متفقين انا ننزل صايمين واتفقنا ان لو حد فينا حصله حاجة ياخد التانى معاه فاول ماشوفنا بعض وخدنا بعض بالحضن
انا : هاااا صايم ولا فاطر
ياسر : يابا على اتفاقنا وانت عارف انت حبيبى وعمرى ماخلف كلامى ووعدى معاك انت عارف انت حبيبى
انا: حبيبى يا ويكى طب انا صليت الظهر
ياسر . هههههههههههه وانا كمان وكمان انا على وضوء
انا : خلاص على اتفاقنا بقا
ياسر : عيب عليك انا عمرى خلفت وعد ليك
وفضلنا نضحك ونهزر طول اليوم لحد ما وصلنا للعصر وكنا وصلنا الدقى بداية الضرب وميلا كلمنى فى بداية الضرب وقالى ارجعوا بقا كفاية كدة لو فى ضرب بس انا كان مستحيل اسيب ياسر وامشى واحنا الاتنين كنا جمب بعض طول الوقت وكان مفيش ولا رصاصة صوت كله حى وخرطوش وألى وكان الضرب فى كل مكان من حوالينا بس والله العظيم كنت خايف اوووووى على ياسر اكتر من نفسى مش عارف ليه بس كان اهم حاجة اشوفه واطمن عليه واشوفه واقف فين واروحله واقف معاه وبعدين اتفرقنا فى كذا وقت ضرب بس الاصابة كنا فى ضهر بعض ومش عارف ليه الرصاصة تعدى منى وتيجى فيه هو مع انا الرصاصة اتضربت من ناحيتى فمن الطبيعى انها تيجى فيا انا الاول وكأن ربنا بيختاره ليكون من الشهداء سبحان الله
يااااااااالله .
الحاجة الوحيدة اللي ياسر خلف وعده ليا فيها هيا ان احنا كنا متفقين اللى يحصله حاجة مايسبش التانى وياخده معاه بس هو للاسف اخلف وعده ليا وانا والله زعلان منه انه اخلف وعده ليا فى دى بالذات مع انها المفروض تكون الحاجة الوحيدة اللي ماينفعش يخلف وعده فيها بس قضاء ربنا اقوى منى ومنه واختاره هو علشان هو كان الاحسن بكتيييييييير بس هو واحشنى اوى و….
…………………….
اما انا العبد الفقير الى الله
اخوكم علي عبد الظاهر والد ياسر قرأت هذه الرسالة اليوم وكأني لم اقرأها من قبل
فاطمئنوا اخوتي انها لم تقلب علي المواجع ولم تزد همي ولا غمي ولا حزني
ولكني بكيت وانا اقرأها..
نعم بكيت، ولكنها دموع غبطة سقطت دموعي رغما عني وهطلت على لحيتي بللت وجهي ولكنها دموع فرح وغبطة
نعم فياسر ابني لم يكن كثير صيام ولا كثير صلاة الا المكتوبة إلا إنه كان يحمل قلبا احسبه طيبا واظنه سليما
والله إني اغبطك يا ياسر على ما اظنه اصطفاء من الله لك واجتباء واختيار
ثم إني نسخت هذه الرسالة وضمنتها هذه الكلمات لا اريد ان اثير شجونكم اخواني وإن كان لحري بكلماتي هذه أن تحرك مشاعركم تجاه اخوة لكم هم احوج ما يكونون الي دعاء الصالحين لذا فأني التمس منكم اخواني واحبابي الكرام الدعاء لولدي حذيفة وياسر وأن يتغمدهما الله برحمته ويغفر لهما وأن يتقبلهما من الشهداء وأن يغفر الله لي ولامهما واخوانهم ولوالدي وللمؤمنين يوم يقوم الحساب وأن يلحقنا بهم في جنات النعيم
